🌟 आयटी कोचिंग व्यवसायाचा प्रवास 🌟

 🌟 आयटी कोचिंग व्यवसायाचा प्रवास 🌟

साधारण दोन महिन्यापूर्वी एक जवळच्या संपर्कातून आयटी कोचिंग चा व्यवसाय करणाऱ्या एका क्लायंटसोबत काम चालू केले. त्यांची कंपनी आयटी क्षेत्रातील विद्यार्थी आणि व्यावसायिकांना ऑनलाइन क्लास च्या माध्यमातून प्रशिक्षण देत असते. त्यांना व्यवसाय पुढच्या पातळीवर नेण्यासाठी एक व्यापक कोर्स प्लॅटफॉर्म विकसित करायचा होता. त्यांचे एक स्पष्ट उद्दिष्ट होते: एक वापरायला सोपा प्लॅटफॉर्म तयार करणे ज्यामुळे अधिक विद्यार्थ्यांना ऑनलाइन कोर्स चा ऍक्सेस देता येईल आणि व्यवसाय भरपूर वाढवता येईल.

आमची योजना: आमच्या पहिल्या मीटिंग मध्ये एक एक पायरी पुढे जायचे ठरवले

१. वेबसाईट: खरंतर वेबसाईट चा उपयोग लीड मिळवण्यासाठी होत नाही, पण ऑनलाइन प्रेझेन्स साठी आणि पेमेंट गेटवे साठी वेबसाईट असणे गरजेचे असते.

२. पेमेंट गेटवे इंटिग्रेशन: ऑनलाइन व्यवसायात पुढे जाण्यासाठी पेमेंट गेटवे असणे अत्यंत गरजेचे आहे. या द्वारे सर्व आर्थिक व्यवहार सहजतेने पूर्ण होतो आणि ग्राहकांना एक चांगला अनुभव मिळतो. पेमेंट गेटवे चे अँप्रोवल मिळवणे थोडेसे कठीण आहे. आधी माझे स्वतःचे ३ वेळेस पेमेंट गेटवे नाकारले गेले, पण इथे आम्हाला दोन ते तीन दिवसात मिळाले.

३. कोर्स प्लॅटफॉर्म (मेंबरशिप): हा सर्वात महत्वाचा भाग आहे, माझ्या क्लायंट ने एक चांगले काम केलेले होते, ज्या वेळी त्यांचा ऑनलाईन क्लास असायचा, ते सर्व क्लास रेकॉर्ड करून ठेवायचे. अशा पद्धतीने त्यांनी जवळ जवळ एक संपूर्ण कोर्स रेकॉर्ड केलेला होता (३० लेक्चर चा एक कोर्स आहे). हे सर्व कन्टेन्ट मिळाल्यावर माझ्याकडे असलेल्या मेंबरशिप प्लॅटफॉर्म चा उपयोग करून मी त्यांचा कोर्स तयार केला. आणि त्यांचे पहिले ऑनलाईन प्रॉडक्ट तयार झाले.

४. कोर्स लँडिंग पेज: कोर्स तयार केला पण विकायचा कसा? यासाठी लँडिंग पेज चा उपयोग केला जातो. या लँडिंग पेज वर कोर्स बद्दल संपूर्ण माहिती देऊन तिथेच कोर्स विकत घेण्यासाठी एक बटन दिलेले असते. या बटन वर क्लिक करून विद्यार्थी चेकआऊट पेज वर जातो, तिथे योग्य ते पेमेन्ट करून त्याला कोर्स चा ऍक्सेस दिला जातो. हि सर्व प्रोसेस ऑटो मोड मध्ये होणे गरजेचे आहे.

५. मार्केटिंग धोरण: पुढचा महत्वाचा प्रश्न, त्यांच्या कोर्स ची फी जवळ जवळ १५ ते २५ हजार आहे. आता या किंमतीत कोणता नवीन विद्यार्थी कोर्स विकत घेणार? यासाठी गरज असते लीड जेनेशनची. लीड जेनेशन साठी दोन योजनांचा वापर करायचा ठरवले.

पहिली योजना 'डेमो कोर्स" : या मध्ये ३० लेक्चर पैकी ६ लेक्चर चा फ्री ऍक्सेस दिला, आणि त्यासाठी सोशल मीडिया पेड मार्केटिंग चालू केले.

दुसरी योजना 'वेबिनार सेशन": ११ ऑगस्ट आणि १५ ऑगस्ट ला आम्ही फ्री वेबिनार ठेवले, या साठी देखील लँडिंग पेज बनवले, आणि सोशल मीडिया पेड मार्केटिंग चालू केले.

६. ईमेल ऑटोमेशन: विद्यार्थ्यांना सतत गुंतवून ठेवण्यासाठी आणि माहिती देण्यासाठी, आम्ही एक ईमेल ऑटोमेशन सेटअप केली. या मधून जे काही लीड येत होते त्यांना नियमित पणे मेल पाठवत होतो.

७. सोशल मीडिया मार्केटिंग: लीड्स निर्माण करण्यासाठी, आम्ही सोशल मीडिया पेड मार्केटिंग चालू केले. डेमो कोर्स मार्केटिंग मधून आम्हाला साधारण ५०+ लीड मिळाल्या आणि वेबिनार सेशन साठी ५०+ लीड मिळाल्या.

परिणाम: क्लायंट चा सेल करण्यामध्ये हातखंडा आहे. निर्माण झालेल्या ११०+ लीड्समधून, त्यांनी कुशलतेने ७ विद्यार्थ्यांची नोंदणी केली आणि फक्त सुरुवातीच्या टप्प्यातच ₹१.७ लाख पर्यंत उत्पन्न मिळवले.

आपण जर कोणत्याही कोचिंग (काही शिकवत असाल) व्यवसायात असेल तर आपण ऑनलाईन कोर्स बद्दल विचार करायला पाहिजे.