कंपाउंडिंगची खरी ताकद

कंपाउंडिंगची खरी ताकद

 मागच्या मंगळवारी मी एक पोल घेतला होता, १०% दराने १० वर्षांसाठी रु. १००० ची मासिक SIP केल्यास रु. २,०१,४५८ मिळतील. गुंतवणुकीतून मिळणारी अंतिम रक्कम वाढवण्यासाठी जर तुम्हाला फक्त एकच घटक दुप्पट करण्याचा पर्याय दिला, तर तुम्ही कोणता निवडाल?

१. परतावा दर दुप्पट करणार - २०%  

२. SIP रक्कम दुप्पट करणार - २००० रुपये प्रति महिना 

३. कालावधी दुप्पट करणार - २० वर्ष 

चला! या प्रत्येक पर्यायाची सविस्तर माहिती घेऊयात आणि कोणता घटक आपल्याला सर्वात जास्त फायदा देईल ते समजून घेऊयात:

१. परतावा दर दुप्पट करणे: २०%

१००० रुपये SIP १० वर्षांसाठी आणि दर १०% वरून २०% केला, तर कंपाउंडिंगची ताकद आपल्याला योग्य प्रमाणात फायदा मिळवून देईल आणि आपली रक्कम १,४२,८५३ ने वाढून ३,४४,३११ होईल. थोडक्यात आपली रक्कम १.७ पट होईल.  

२. SIP रक्कम दुप्पट करणे: २००० रुपये प्रतिमहिना

२००० रुपये SIP १० वर्षांसाठी आणि १०% दराने आपली रक्कम २,०१,४५८ ने वाढून ४,०२९१५ होईल. थोडक्यात आपली रक्कम दुप्पट होईल. 

३. गुंतवणुकीचा कालावधी दुप्पट करणे: २० वर्षे

१००० रुपये SIP १०% दराने २० वर्षांसाठी गुंतवणूक केली तर आपली रक्कम ५,२२,५२९ ने वाढून ७,२३,९८७  होईल. थोडक्यात आपली रक्कम ३.६ पट झालेली असेल. 

कंपाउंडिंगमध्ये कालावधी हा सर्वात महत्वाचा घटक आहे. जितकी दीर्घकाल गुंतवणूक टिकवली जाते, तितकी कंपाउंडिंगची सायकल जास्त वेळा चालते. SIP रक्कम आणि परतावा दर तेच राहिले तरी, कालावधी वाढवल्यास अंतिम रक्कम खूप जास्त होऊ शकते.

योग्य पर्याय कोणता?

प्रत्येक पर्यायाचे स्वतःचे काही फायदे आहेत. परंतु जर आपण "कंपाउंडिंगची खरी ताकद" पाहिली, तर कालावधी हा सर्वात प्रभावी घटक ठरतो. अगदी कमी रक्कमेसुद्धा दीर्घकाल टिकवून ठेवल्यास मोठ्या संपत्तीत रूपांतरित होऊ शकते. परतावा दर (खरंतर आपल्या हातात नाही) किंवा SIP रक्कम वाढवणे हे चांगले उपाय आहेत, परंतु जर त्यात दीर्घकाळ सातत्य आणि संयम ठेवला, तर कंपाउंडिंगच्या प्रभावाने ती रक्कम अनपेक्षितरीत्या मोठी होऊ शकते.

MF गुंतवणूक संदर्भात माझी मदत, आणि SIP मधील गुंतवणुकीसाठी खालील लिंक वर करून आपले फ्री E-Wealth MF अकाउंट सुरु करू शकतात. (अर्थात मी तुमच्या मदतीसाठी नेहमी उपलब्ध असेल)